हकप्रद शेयरको लागि मिरमिरे माइक्रोफाइनान्सको बुक क्लोज
काठमाडौं, ४ जेठ । हकप्रद शेयर निष्कासन गर्ने भए पछि मिरमिरे माइक्रोफाइनान्सको शेयर दर्ता किताब बन्द हुने भएको छ । माइक्रोफाइनान्सले जेठ १८ गते शेयर दर्ता किताब बन्द गर्ने जनाएको छ । जेठ १७ गतेसम्म माइक्रोफाइनान्सको शेयर किन्ने लगानीकर्ताहरुले हकप्रद शेयरको लागि आवेदन दिन सक्नेछन् ।
मिरमिरे माइक्रोफाइनान्सलाई १ बराबर १ कित्ता अर्थात सत प्रतिशत हकप्रद शेयर निष्कासन गर्ने भएको छ । माइक्रोफाइनान्सले ४ करोड ५० लाख रुपैयाँ बराबरको ४ लाख ५० हजार कित्ता हकप्रद शेयर जारी गर्ने जनाएको छ । माइक्रोफाइनान्सले जारी गर्ने हकप्रद शेयरको अंकित मुल्य एक सय रुपैयाँ रहेको छ । हकप्रद शेयर निष्कासन तथा बिक्री प्रबन्धकमा एनआईविएल एस क्यापिटललाई नियुक्त गरेको छ ।
माइक्रोफाइनान्सले जेठ २५ गते बस्ने सातौं वार्षिक साधारण सभामार्फत शेयरधनीहरुलाई ३०।८० प्रतिशत बोनस शेयर दिने भएको छ । हकप्रद शेयर र बोनस शेयर पछि माइक्रोफाइनान्सको चुक्ता पुँजी १० करोड ३८ लाख रुपैयाँ पुग्नेछ ।
