करबि दुई सातापछि ३३.५७ अंकले बढ्यो सेयर बजार, कारोबार रकममा भने गिरावट
काठमाडाैं, १० फागुन । करीब २ सातापछि सेयरबजार सकारात्मक देखिएकाे छ । लगातार घटेकाे सेयर बजार मापक नेप्से परिसूचक बुधबार भने दाेहाेराे अंकले बढेकाे हाे ।
आज नेप्से परिसूचक ३३.५७ अंकले बढेर २ हजार ८० बिन्दुमा बन्द भएकाे हाे । नेप्से परिसूचक बढेपनि आज काराेबार रकम भने घटेकाे छ । आज २९६ कम्पनीकाे ४७ लाख ७९ हजार ७ सय ९६ कित्ता सेयर किनबेच हुँदा काराेबार रकम १ अर्ब ८० करोडमा सीमित भएको छ ।
आज कुल १६५ कम्पनीको सेयर मूल्य बढ्दा ४९ कम्पनीको सेयर मुल्य घटेकाे छ भने ३ कम्पनीकाे सेयर मूल्यको स्थिर रहृयो ।
आज कारोबार भएको कम्पनीमध्ये तीन कम्पनीको शेयरमूल्यमा सकारात्मक सर्किट लागेको छ । आज विर्टी इनर्जी कम्पनीको शेयरमूल्य ९.८० अंकले बढेर प्रतिकित्ता २८८.८० रुपैयाँ पुगेको छ । त्यस्तै, छ्याङदी हाइड्रोपावर कम्पनीको शेयरमूल्य ९.५६ प्रतिशतले बढेर प्रतिकित्ता ३६८ रुपैयाँ पुगेको छ भने दोर्दी खोला जलविद्युत कम्पनीको शेयरमूल्य ९ प्रतिशतले बढेर प्रतिकित्ता ३४५ रुपैयाँ पुगेको हो ।
आज आदर्श लघुवित्त वित्तीय संस्थाको शेयरमूल्यमा सबैभन्दा बढी गिरावट भएको छ । यसको शेयरमूल्य १० प्रतिशत भन्दा बढीले घटेको छ ।
