सातामा २५ अंकले घट्यो शेयर बजार, गत सातभन्दा कारोबार रकममा वृद्धि
काठमाडौं, १३ असोज । यो साता चार दिन मात्र शेयर कारोबार भएको थियो । सातामा पाँच दिन शेयर कारोबार हुने भए पनि बिहीबार इन्द्रजात्राका कारण काठमाडौं उपत्यका बिदा थियो ।
चार कारोबार दिनमा तीन कारोबार दिन बजार घटेको छ भने एक कारोबार दिन बढेको छ । बजार यो साता ४३ अंकले घटेको छ भने १८.४५ अंकले बढेको छ ।
आइतबार १९.४२ अंकले घटेको बजार सोमबार ५.८९ अंकले घटेको थियो । तर, मंगलबार भने बजार १८.४५ अंक बढेको थियो । त्यस्तै बुधबार भने बजार १८.६० अंक घटेको थियो ।
यसरी सातागत रूपमा हेर्दा बजार समग्रमा २५.४६ अंक घटेको हो । गत सात भने बजार २२.७० अंकले बढेको थियो । गत साता पनि चार दिन नै शेयर कारोबार भएको थियो । उक्त साता बजार एक कारोबार दिन घटेको थियो भने तीन करोबार दिन बढेको थियो ।
बजार गत साता बढेको भए पनि कारोबार रकम भने यो सात बढेको छ । गत साता चार कारोबार दिनमा ७ अर्ब ३६ करोड ९५ लाख रुपैयाँको शेयर कारोबार भएको थियो । यो सातामा भने ७ अर्ब ८० करोड ६ लाख रुपैयाँको शेयर कारोबार भएको छ । गत साताको तुलनामा कारोबार रकम ४३ करोड ११ लाख रुपैयाँले बढेको हो ।
गत सातको अन्तिम कारोबार दिनको तुलनामा कुल बजार पूँजीकरण भने यो साताको अन्तिम दिन घटेको छ । गत साताको अन्तिम करोबार दिन कुल बजार पूँजीकरण ३० खर्ब ७४ अर्ब १३ करोड रुपैयाँ थियो । यो साताको अन्तिम करोबार दिन भने घटेर ३० खर्ब ३८ अर्ब ६९ लाख रुपैयाँ कायम भएको छ । गत साताको तुलनामा बजार पूँजीकरण ३५ अर्ब ४४ करोड रुपैयाँले घटेको हो ।
