कोशी प्रदेशले आज नयाँ मुख्यमन्त्री पाउदै
काठमाडौं, २६ असोज । कोशी प्रदेशले आज नयाँ मुख्यमन्त्री पाउदै छ । मुख्यमन्त्रीका लागि दुईजनाले दाबी पेस गरेका कारण छलफल गरेर शुक्रबार नियुक्त गरिने प्रदेश प्रमुखको कार्यालयले जनाएको छ।
प्रदेश प्रमुखको कार्यालयका प्रवक्ता नरेन्द्र श्रेष्ठले शुक्रबार ५ बजेसम्मको समय रहेकाले शुक्रबार नै नियुक्त गर्ने तयारी भएको जानकारी दिए।
एमालेसहितको समर्थनमा कांग्रेसका डा. शेखर कोइराला पक्षधरका ८ जना सांसदको हस्ताक्षरसहित केदार कार्कीले मुख्यमन्त्रीमा दाबी पेस गरेका छन्। यस्तै गठबन्धनको तर्फबाट माओवादी केन्द्रका इन्द्रबहादुर आङ्बोले मुख्यमन्त्रीका लागि दाबी पेस गरेका छन्।
तर कांग्रेसका ८ जना सांसदले भने गठबन्धनतर्फ पनि हस्ताक्षर गरेपछि मुख्यमन्त्री नियुक्तमा अन्योल भएको हो।
