सुनको मूल्य एकैदिन ताेलामा २ हजार ९०० रुपैयाँले बढ्याे

काठमाडाैं, २८ असाेज। शुक्रबार प्रतितोला ६ सय रुपैयाँले  बढेको सुनको मूल्य आज भने प्रतितोला २ हजार ९०० रुपैयाँले बढेको छ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला रू एक लाख १३ हजार र तेजाबी सुन प्रतितोला एक लाख १२ हजार ४५० रुपैयाँ निर्धारण गरिएकाे छ।अघिल्लाे दिन शुक्रबार छापावाल सुन प्रतिताेला रू एक लाख १० हजार १ सय र तेजाबी सुन प्रतितोला एक लाख ९ हजार ५५० रुपैयाँ निर्धारण गरिएकाे थियाे ।

त्यसैगरी, आज चाँदीको मूल्यसमेत बढेकाे छ।अघिल्लाे दिन शुक्रबार प्रतितोला १३ सय ४५ रुपैयाँमा कारोबार भएको चाँदी आज प्रतितोला १३ सय ९० रुपैयाँमा निर्धारण गरिएकाे छ।