काठमाडौं, २६ पौष । ८० प्रतिशत शेयर स्वामित्व खरिद–बिक्रीको विषयमा छानविन गर्न पूर्वमहालेखापरीक्षक टंकमणि शर्मा दंगालको संयोजकत्वमा गठित ५ सदस्यीय उच्चस्तरीय समितिको एक महिने म्याद पुस २४ गते सकिएको छ । तर समितिले अझै अनुसन्धान प्रतिवेदन सरकारलाई बुझाएको छैन ।
समितिले पुनः माघ १५ सम्मको समय थप गरिदिएको छ । एनसेलले अझैसम्म नियामक निकाय नेपाल दूरसंचार प्राधिकरणमा शेयर खरिदबिक्रीको सम्झौताको पत्र बाहेक अरु कुनै डकुमेन्ट नै बुझाएको छैन दुरसंचार प्राधिकरणका प्रवक्ता सन्तोष पौडेलले जानकारी दिए ।
शेयर खरिदबिक्रीका लागि प्राधिकरणबट पूर्वस्विकृती अनिवार्य सर्त हो । प्राधिकरणको स्विकृतीपछि मात्र कम्पनी रजिष्ट् ारकार्यालयबाट आवश्यक प्रक्रिया अघि बढाउन सक्छ । सरकारद्वारा गठित समितिले पनि प्राधिकरण र एनसेलबाट कुनै पनि कागजात नपाएको बताइएको छ । यसले छानविनमा आशंका उब्जाएको सांसद सुमना श्रेष्ठले शिक्षा समितिको बैठकमा ध्यानाकर्षण गराएकी थिइन ।
समितिलाई कुनै पनि कागजात नबुझाउनु र अनुसन्धान गर्दै गर्दा नियामक निकायको अध्यक्षलाई नै प्रधानमन्त्री पुष्पकमल दाहाल प्रचण्डकै दबावमा राजीनामा दिन बाध्य पार्नुले छानविन माथि थप आंका बढाएको छ ।
