१० अंकले घट्यो नेप्से परिसूचक
काठमाडौं, १० माघ। बुधबार नेपाल स्टक एक्सचेञ्ज (नेप्से) परिसूचक घटेर बन्द भएको छ । बुधबार नेप्से १० दशमलव २५ अंकले घटेर २०८८ दशमलव शून्य ४ विन्दुमा बन्द भएको हो ।
बुधबार १ करोड १० लाख ४९ हजार ९४९ कित्ता शेयर ३ अर्ब ८९ करोड ७० लाख २२ हजार ५९८ रुपैयाँमा खरिद–बिक्री भएको छ ।
बुधबार कारोबारमा आएका कम्पनीमध्ये १५३ कम्पनीको शेयर मूल्य घटेको छ भने ८० कम्पनीको शेयर मूल्य बढेको छ । १४ वटाको स्थिर छ ।
चन्द्रागिरि हिल्स र मिड सोलु हाइड्रोपावरको शेयर मूल्य १० प्रतिशतले बढेको छ। सबैभन्दा धेरै गुमाउनेमा तेह्रथुम पावर कम्पनी लिमिटेडको मूल्य १० प्रतिशतले घटेको छ ।
बुधबार सर्वाधिक कारोबार हुनेमा हिमालयन रिइन्स्योरेन्स नै रहेको छ ।
