लगातार बढ्दै सुनकाे मूल्य, ताेलाकाे १ लाख ४५ हजार पुग्याे
काठमाडौं, २५ जेठ। शुक्रबार पनि नेपाली बजारमा सुनकाे मूल्य बढेकाे छ । हिजाे ताेलामा १ हजार ८०० रूपैयाँले बढेकाे सुनकाे मूल्य आज पनि १००० रूपैयाँले बढेकाे हाे।
नेपाल सुनचाँदी व्यवसायी महासंघका अनुसार शुक्रबार छापावाल सुन प्रतिताेला १ लाख ४५ हजार रुपैयाँ र तेजावी सुन प्रतिताेला १ लाख ४४ हजार ३०० रूपैयाँ पुगेको छ । याे आजसम्मकै उच्च मूल्य हाे ।
बिहीबार छापावाल सुन प्रतिताेला १ लाख ४४ हजार रुपैयाँ र तेजावी सुन प्रतिताेला १ लाख ४३ हजार ३०० रूपैयाँ पुगेको थियाे ।
यता आज चाँदीकाे मूल्य पनि ताेलमा ५० रूपैयाँले बढेकाे छ । बिहिबार प्रतितोला १ हजार ८५० रुपैयाँमा कारोबार भएकाे चाँदी आज १ हजार ९०० रूपैयाँ कायम भएकाे छ।
