ताेलामा ४०० रूपैयाँले घट्याे सुनकाे मूल्य, चाँदीकाे कति ?

काठमाडाैं, ३२ जेठ । शुक्रबार नेपाली बजारमा सुन र चाँदी दुवैको मूल्य घटेको छ । बिहिबार स्थिर रहेकाे सुनकाे मूल्य आज ताेलामा ४०० रूपैयाँले घटेकाे हाे ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४१ हजार २०० र तेजावी सुन १ लाख ४० हजार ५०० रूपैयाँ निर्धारण भएकाे छ ।

बिहिबार छापावाल सुन प्रतितोला १ लाख ४१ हजार ६०० र तेजावी सुन १ लाख ४० हजार ९०० रूपैयाँमा स्थिर थियाे ।

यता चाँदीको मूल्य भने आज तोलामा १० रुपैयाँले घट्दै एक हजार ८ सय रुपैयाँमा कारोबार भइरहेको छ । अघिल्लो दिन चाँदी प्रतितोला एक हजार ८ सय १० रुपैयाँमा कारोबार भएको थियो ।