आज एकैदिन तोलामा १३ सयले घट्यो सुनको मुल्य

काठमाडाैं, ६ साउन । साताको पहिलो कारोबार दिन आइतबार नेपाली बजारमा सुनचाँदीको मूल्य घटेको छ । गत शुक्रबार ताेलामा २०० रूपैयाँले घटेकाे सुनकाे भाउ  आज पनि ताेलामा १३ सय रूपैयाँले घटेकाे हाे ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४६ हजार २०० र तेजावी सुन प्रतितोला १ लाख ४५ हजार ५०० रुपैयाँ तोकिएको छ ।

गत शुक्रबार छापावाल सुन प्रतितोला एक लाख ४७ हजार पाँच सय रूपैयाँ र तेजाबी सुन प्रतितोला एक लाख ४६ हजार आठ सय रूपैयाँमा कारोबार भएको थियो ।

यस्तै चाँदीको मूल्य पनि तोलामा २० रुपैयाँले घटेको छ । चाँदीकाे मूल्य प्रतितोला एक हजार ८१० रुपैयाँ निर्धारण गरिएकाे छ । गएको शुक्रबार चाँदी प्रतितोला एक हजार ८३० रुपैयाँमा कारोबार भएको थियो ।