नेपाल टेलिकमको प्रबन्ध निर्देशकमा संगीता पहाडी
काठमाडाैं, २१ भदाै । नेपाल टेलिकमको प्रबन्ध निर्देशकमा संगीता पहाडी अर्याल नियुक्त भएकी छन् । बिहीबारकाे मन्त्रिपरिषद् बैठकले पहाडीलाई टेलिकमको नेतृत्व सुम्पने निर्णय गरेको बताइएकाे छ ।
गत पुस १७ देखि निमित्तका रूपमा रहँदै आएकी उनी टेलिकमकी दोस्रो महिला प्रबन्ध निर्देशक हुन् ।
यसअघि ०७३ सालमा टेलिकमको पहिलो महिला प्रबन्ध निर्देशकका रूपमा कामिनी राजभण्डारी नियुक्त भएकी थिइन् ।
