नेपाल पर्यटन बोर्डको प्रमुख कार्यकारी अधिकृतमा दीपक जोशी नियुक्त
काठमाडाैं, २१ भदाै । नेपाल पर्यटन बोर्डको प्रमुख कार्यकारी अधिकृतमा दीपकराज जोशी पुनस् नियुक्त भएका छन् ।
बोर्ड सदस्य तथा संस्कृति, पर्यटन तथा नागरिक उड्डयन मन्त्रालयका सहसचिव इन्दु घिमिरे संयोजक रहेको तीन सदस्यीय ‘कार्यकारी प्रमुख छनौट उपसमिति’ ले आवेदन दिएका अन्तिम १४ जना उम्मेदवारमध्येबाट बिहीबार जोशीसँगै तत्कालिन प्रमुख कार्यकारी अधिकृत धनन्जय रेग्मी र ज्ञानेश्वर सिंह गरी ३ जनाको नाम सिफारिस गरेको थियो ।
३ जनाको नाममाथि बोर्डको सञ्चालक समितिको बिहीबारको बैठकमा छलफल गरी जोशीलाई नियुक्त गर्ने निर्णय भएको हो । उनका अनुसार जोशीले यसअघि पनि प्रमुख कार्यकारी अधिकृतका रुपमा काम गरिसकेका छन् ।
