शुक्रबार ३ हजार रूपैयाँले बढेकाे सुनकाे मूल्य हालसम्मकै उच्च बिन्दुमा
काठमाडाैं, २८ भदाै । नेपाली बजारमा शुक्रबार सुनकाे मूल्यले नयाँ रेकर्ड कायम गरेकाे छ । आज एकैदिन ताेलामा ३ हजार रूपैयाँले बढेर सुनकाे मूल्य हालसम्मकै उच्च बिन्दुमा पुगेकाे हाे ।
नेपाल सुनचाँदी व्यवसायी महासंघका अनुसार बिहिबार तोलाको १ लाख ५३ हजार ३ सय रुपैयाँमा कारोबार भएको छापावाल सुनको भाउ आज तोलामा एकैपटक ३ हजार रुपैयाँले बढेर तोलाको १ लाख ५६ हजार ३ सय रुपैयाँ पुगेको छ ।
यसअघि गत भदौ २६ गते सुनको मूल्य हालसम्मकै उच्च मूल्य प्रतितोला १ लाख ५३ हजार ४ सय रुपैयाँ कायम भएको थियो।
यस्तै आज चाँदीको भाउ पनि आज एकैपटक तोलामा ६५ रुपैयाँले बढेर तोलाको १ हजार ८ सय ६० रुपैयाँमा कारोबार भइरहेको छ ।
