सुन नयाँ उचाइमा पुग्दा चाँदीको मूल्यमा गिरावट
काठमाडाैं, १३ फागुन । मंगलबार नेपाली बजारमा सुनकाे मूल्य बढेकाे छ भने चाँदीकाे मूल्य घटेकाे छ । लगातार बढिरहेको सुनको मूल्य आज हालसम्मकै उच्च विन्दुमा पुगेको हो । साेमबार ताेलामा ५ सय रूपैयाँले बढेकाे सुनकाे भाउ आज ५ सय रूपैयाँले बढेकाे छ ।
नेपाल सुनचाँदी व्यवसायी महासङ्घका अनुसार साेमबार प्रतिताेला १ लाख ७० हजार ८ सय रुपैयाँमा काराेबार भएकाे छापावाल सुन आज ताेलाकाे १ लाख ७१ हजार ३ सय रुपैयाँ निर्धारण भएकाे छ ।
यता आज चाँदीकाे भाउ भने ताेलामा १५ रूपैयाँले घटेकाे छ । साेमबार प्रतिताेला १ हजार ९ सय ८५ रुपैयाँमा काराेभार भएकाे चाँदी आज ताेलाकाे १ हजार ९ सय ७० रुपैयाँ कायम भएको छ ।
