सुनको मूल्यले तोड्यो नयाँ उचाइ, चाँदीले समेत थप्यो चमक – नेपाली धातु बजारमा फेरि उत्साहको लहर
काठमाडाैं, ३ वैशाख । नेपाली बजारमा सुनको मूल्यले बुधबार फेरि नयाँ कीर्तिमान बनाएको छ। लगातार उकालो लाग्दै आएको सुनको मूल्य आज हालसम्मकै उच्च विन्दुमा पुगेको हो।
नेपाल सुनचाँदी व्यवसायी महासंघका अनुसार आज बुधबार (२०८२ साल बैशाख ४ गते) सुनको मूल्य प्रतितोला १ लाख ८७ हजार रूपैयाँ पुगेको छ। यसले आइतबार कायम गरिएको अघिल्लो रेकर्ड (१ लाख ८६ हजार ८ सय रूपैयाँ) लाई तोड्दै पुनः इतिहास रचेको हो।
सुनको मूल्य मंगलबारको तुलनामा प्रतितोला २ हजार ७ सय रूपैयाँले वृद्धि भएको छ। मंगलबार सुन प्रतितोला १ लाख ८४ हजार ३ सय रूपैयाँ मा कारोबार भएको थियो।
सुनको मूल्य यसरी तीव्ररूपमा बढ्नुमा अन्तर्राष्ट्रिय बजारमा देखिएको अस्थिरता, लगानीकर्ताहरुको विश्वासको पुनर्स्थापना, र भूराजनीतिक तनावहरू प्रमुख कारण रहेको जानकारहरू बताउँछन्।
त्यसैगरी, चाँदीको मूल्य पनि बढेको छ। बुधबार चाँदी प्रतितोला १ हजार ९ सय ५५ रूपैयाँ मा कारोबार भइरहेको छ, जुन मंगलबारको मूल्य (१ हजार ९ सय ४५ रूपैयाँ) भन्दा १० रूपैयाँले बढी हो।
