गभर्नर सिफारिस समितिको बैठक सम्पन्न, तीन जनाको नाम बोकेर अर्थमन्त्री हिँडे बालुवाटार
काठमाडौं, ६ जेष्ठ । गभर्नर सिफारिस समितिको बैठक सम्पन्न भएको छ । मंगलबार अपराह्न सिंहदबारमा बसेको बैठकलगत्तै अर्थमन्त्री विष्णु पौडेल बालुवाटार हिँडेका छन् ।
सिफारिस समितिबाट अर्थशास्त्री विश्व पौडेलसहित तीन जनाको नाम गभर्नरमा सिफारिस भएको अर्थ मन्त्रालय स्रोतले बतायो ।
सोही नामको आधारमा विश्व पौडेललाई गभर्नर नियुक्ति गर्ने यसअघि नै राजनीतिक सहमति भइसकेको छ । यसबारे निर्णय गर्न मन्त्रिपरिषद्को बैठक केहीबेरमा बालुवाटारमा बस्दै छ ।
