इरानमा उत्पन्न संकटका कारण एयर इण्डियाका अन्तर्राष्ट्रिय उडानहरू अवरुद्ध, केही उडान मार्ग परिवर्तन र केही फिर्ता

एयर इण्डियाले सामाजिक सञ्जाल ‘एक्स’ (पूर्व ट्विटर) मार्फत् सार्वजनिक गर्दै भनेको छ, “इरानमा उत्पन्न संकट र त्यसपछि त्यहाँको आकाशमार्ग बन्द भएको अवस्थालाई ध्यानमा राख्दै र यात्रुहरूको सुरक्षालाई प्राथमिकता दिँदै, एयर इण्डियाका केही उडानहरू मार्ग परिवर्तन गरिएका छन् वा उनीहरूलाई मूलस्थानमै फिर्ता ल्याइएको छ।”

विमान सेवाले यात्रुहरूलाई परेको असुविधाप्रति खेद व्यक्त गर्दै सो विघ्न न्यून गर्न सक्दो प्रयास गरिरहेको उल्लेख गरेको छ। “हामीले यात्रुहरूलाई परेको असुविधाका लागि क्षमायाचना गर्दछौं। परिस्थिति सामान्य पार्न हामीले सबै प्रयास गरिरहेका छौं, जसमा प्रभावित यात्रुहरूका लागि बासको व्यवस्था, टिकट रद्द भएमा रकम फिर्ता वा निःशुल्क पुनः बुकिङको सुविधा पनि उपलब्ध गराइएको छ,” एयर इण्डियाले जनाएको छ।

विमान सेवाले यात्रुहरूलाई यात्रा गर्नु अघि आफ्नो उडानको स्थिति अनिवार्य रूपमा जाँच गर्न समेत अनुरोध गरेको छ।

यसबीच, इजरायली सञ्चारमाध्यम ‘टाइम्स अफ इजरायल’का अनुसार इजरायलका रक्षा मन्त्री इस्राइल काट्जले इरानमा पूर्वानुमानित हवाई आक्रमण (preemptive strike) भएको पुष्टि गर्दै सम्पूर्ण राष्ट्रव्यापी आपतकालीन अवस्था घोषणा गरेका छन्।