जेनजी प्रदर्शनमा प्रहरीले अश्रुग्याँस प्रहार
काठमाडाैं, २३ भदाै । सामाजिक सञ्जालमाथि सरकारले लगाएको प्रतिबन्ध र भ्रष्टाचारविरुद्ध जेनजीले नेतृत्व गरेको प्रदर्शनमा प्रहरीले अश्रुग्याँस प्रहार गरेको छ।
प्रदर्शनकारीहरूले निषेधाज्ञा उल्लङ्घन गर्दै नयाँ बानेश्वरस्थित संसद भवनतर्फ अघि बढेका थिए। माइतीघर र तिनकुनेबाट अघि बढेका प्रदर्शनकारीहरूले प्रहरीको ब्यारिकेड तोड्दै संसद भवनसम्म पुग्न सफल भए।
प्रहरीले प्रदर्शनकारीको अघि बढ्न रोक्न अश्रुग्याँस प्रहार गरेको छ। यस घटनापछि उक्त क्षेत्रमा तनावपूर्ण अवस्था कायम भएको छ।
