झापा इनर्जीको आईपीओमा आवेदन आज अन्तिम दिन

काठमाडाैं, ३० भदाै । झापा इनर्जी लिमिटेडले भदौ २० गतेदेखि सार्वजनिक निष्कासनमा ल्याएको आईपीओमा आवेदन दिन आज अन्तिम मौका रहेको छ। कम्पनीले सुरुमा भदौ २४ गते आवेदन अवधि समाप्त गर्ने घोषणा गरेको थियो, तर सो दिनको विषम परिस्थितिका कारण एक दिन थप गरिएको हो।

कम्पनीले आईपीओको पहिलो चरणमा प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीका लागि शेयर बाँडफाँट गरिसकेको थियो। यस क्रममा स्थानीय बासिन्दाका लागि ३ लाख ८० हजार १९० कित्ता र वैदेशिक श्रमिकका लागि ५७ हजार २९ कित्ता शेयर निष्कासन गरिएको थियो।

अब दोस्रो चरणमा सर्वसाधारणका लागि आईपीओ खुला गरिएको छ। यस चरणमा सामूहिक लगानी कोषहरूका लागि २८ हजार ५१४ कित्ता, कम्पनीका कर्मचारीहरूका लागि ११ हजार ४०६ कित्ता र बाँकी ४ लाख ७३ हजार ३३६ कित्ता साधारण शेयर सर्वसाधारणका लागि निष्कासन गरिएको छ।

प्रतिकित्ता मूल्य १०० रुपैयाँ कायम गरिएको छ, जसअनुसार कुल ४ करोड ७३ लाख ३३ हजार ६०० रुपैयाँ बराबरको शेयर सार्वजनिक गरिएको हो। IPO मा आवेदन दिने न्यूनतम सीमा १० कित्ता र अधिकतम ५ हजार कित्तासम्म निर्धारण गरिएको छ।

सर्वसाधारणले आजभित्र आवेदन दिनु पर्ने भएकाले इच्छुक लगानीकर्ताले ढिला नगरी आवेदन प्रक्रिया पूरा गर्नुपर्ने कम्पनीले आग्रह गरेको छ।