तीनैजना मन्त्रीहरु संसद भवन र सर्वोच्चको संयुक्त अवलोकनमा जाँदै
काठमाडाै, १ असोज । सरकारका तीनजना मन्त्रीहरु जेनजी आन्दोलनमा क्षतिग्रस्त संसद भवन र सर्वोच्च अदालतको अनुगमनमा जाने भएका छन् ।
अर्थमन्त्री डा.रामेश्वर खनाल, उर्जामन्त्री कुलमान घिसिङ र गृहमन्त्री ओमप्रकाश अर्यालले व्यवस्थापिका र कार्यपालिकाका केन्द्रहरुमा संयुक्त अनुगमन गर्ने भएका हुन् ।
आज दिउँसाे संसद भवन जाने कार्यक्रम रहेको बालुवाटार स्रोतले बताएको छ । संसद भवनपछि सर्वोच्च जाने तालीका रहेको छ । यस्तै, भैंसेपाटीस्थित मन्त्री निवासको पनि उनीहरुले संयुक्त अवलोकन गर्ने छन् ।
जेनजी आन्दोलनकारीले संसद भवन र सर्वोच्च अदालत जलाएर ध्वस्त पारेका थिए । संसद भवन अहिले बन्द छ भने सर्वोच्चमा पाल टाँगेर काम सुरु गरिएको छ ।
