हिमालयन बैंकको बालुवाटार शाखा नयाँ स्थानमा सञ्चालनमा
काठमाडाैं, ३ असोज । हिमालयन बैंक लिमिटेडले चाबहिल–२ शाखालाई स्थानान्तरण गरी एन एल कम्प्लेक्स, काठमाडौं महानगरपालिका वडा नं ०२, बालुवाटारमा बालुवाटार शाखा नामबाट आज (आश्विन २, २०८२) देखि सञ्चालनमा ल्याएको छ।
शाखाको उद्घाटन बैंकका प्रमुख कार्यकारी अधिकृत श्री अशोक शम्सेर राणाले उच्चपदस्थ कर्मचारी र अन्य अतिथिहरुको उपस्थितिमा गरेका छन्।
बैंकले हाल नेपालभर १७४ शाखा कार्यालय, २० विस्तारित काउन्टर, २८६ एटीएम, ८,००० भन्दा बढी ई–बैंकिङ सेवा तथा १५,००० भन्दा बढी विप्रेषण भुक्तानी केन्द्रमार्फत आफ्ना ग्राहकहरुलाई विविध बैंकिङ सेवा उपलब्ध गराइरहेको छ।
बालुवाटार शाखाले पनि ग्राहकहरुलाई सम्पूर्ण बैंकिङ सुविधा प्रदान गर्दै सेवा विस्तार गर्ने लक्ष्य राखेको बैंकले जनाएको छ।
