देशभर मनसुनको प्रभाव जारी, केही क्षेत्रमा मध्यम वर्षा र चट्याङको सम्भावना
काठमाडाैं, २० असाेज । देशभर मनसुनको प्रभाव आज पनि कायम रहेको छ। मौसम विज्ञान विभागका अनुसार, कोशी, लुम्बिनी, कर्णाली र सुदूरपश्चिम प्रदेशमा मौसम सामान्यतया बदली रहन सक्छ भने अन्य प्रदेशमा आंशिक बदली रहनेछ।
विभागले जनाएको छ कि कोशी, बागमती, लुम्बिनी, कर्णाली र सुदूरपश्चिमका केही भागमा मध्यम वर्षा साथै चट्याङको सम्भावना रहेको छ। बाँकी प्रदेशका पहाडी र तराई क्षेत्रहरूमा पनि आंशिक वर्षा हुने अपेक्षा गरिएको छ।
आज राति पनि कोशी, लुम्बिनी, कर्णाली र सुदूरपश्चिम प्रदेशमा मौसम सामान्यतया बदली रहँदा, अन्य प्रदेशमा आंशिक बदली रहने विभागले जनाएको छ। विशेषगरी कर्णाली र सुदूरपश्चिमका केही भागमा मध्यम वर्षा र चट्याङको सम्भावना रहेको छ।
मौसम विभागले आमजनतालाई सम्भावित वर्षा र चट्याङका कारण सतर्क रहन र आवश्यक तयारी गर्न सुझाव दिएको छ।
