विश्व लगानीकर्ता सप्ताह नेपालले पनि मनाउने
काठमाडौं, १ असोज । असोज १५ गते देखि २१ गतेसम्म विश्व लगानीकर्ता सप्ताह मनाइने भएको छ । धितोपत्र बजार नियमन निकायहरुको अन्तर्राष्ट्रिय संस्था (आइओससिई) ले आयोजना गरेको उक्त सप्ताह नेपाल धितोपत्र बोर्डले पनि नेपालमा विभिन्न कार्यक्रम गरि मनाउने तयारी थालेको छ ।
बोर्डले उक्त सप्ताह मनाउनका लागि आवश्यक सम्पूर्ण तयारी पूरा गरेकोे जानकारी दिएको छ । विश्व लगानीकर्ता सप्ताहको मुख्य उद्देश्य पूँजी बजारसम्बन्धी विभिन्न जानकारी, सूचना तथा गतिविधिहरु सर्वसाधारणमा प्रवाह मार्फत् पूँजी बजारसम्बन्धी साक्षरता तथा लगानीकर्ता सचेतना अभिवृद्धि गरी लगानीकर्ताको शसक्तिकरण गर्ने रहेको छ ।
सोही अनुसार सो अवधीमा विभिन्न सभा, समारोह, र्याली आयोजना गरि पूँजी बजारबारे थप सचेत गराउने बोर्डले जनाएको छ ।
