नेप्से ४.२८ अंकले घट्यो, ४ अर्ब ७१ करोडको शेयर कारोबार
काठमाडौं, १५ मंसिर । शेयर बजार मापक नेप्से परिसूचक ४.२८ अंकले घटेर २६४५.२४ विन्दुमा बन्द भएको छ । आज कारोबार रकम २ अर्ब ३६ करोड रुपैयाँले घटेकोे छ । आज ४ अर्ब ७१ करोड ६३ लाख रुपैयाँको शेयर खरिदबिक्री भएको छ ।
आइतबार ७ अर्ब ८ करोड ५४ लाख रुपैयाँको शेयर खरिदबिक्री भएको थियो ।
आज १२४ कम्पनीको शेयरमूल्य बढेको छ । १२६ कम्पनीको शेयरमूल्य घटेको छ । ८ कम्पनीको शेयरमूल्य स्थिर छ ।
लगातार सागर डिस्टिलरीको शेयरमूल्य १० प्रतिशतले बढिरहेको छ । यो कम्पनीको शेयरमूल्य दोस्रो बजारमा सूचीकृत भएदेखि नै लगातार बढेको हो । त्यसैगरी स्वस्तिक लघुवित्तको शेयरमूल्यमा पनि १० प्रतिशतले नै बढेको छ ।
यूनाइटेड मोदी हाइड्रोपावरको सर्वाधिक मूल्यको शेयर कारोबार भएको छ । यो कम्पनीको २७ करोड १० लाख रुपैयाँको शेयर खरिदबिक्री भएको छ ।
आज कारोबारमा आएका १३ मध्ये ५ समूहको परिसूचक बढेको छ । बाँकी समूहको परिसूचक घटेको छ ।
