नागबेली लघुवित्तको बुक क्लोज मंसिर १३ बाट, बोनस शेयर सुरक्षित गर्ने आज अन्तिम दिन
काठमाडौं, १२ मंसिर । नागबेली लघुवित्त विकास बैंकको शेयर दर्ता पुस्तिका बन्द मंसिर १३ देखी २५ गतेसम्म हुने भएको छ । ४५.६ प्रतिशत बोनस शेयर दिने भए पछि लघुवित्तको शेयर दर्ता पुस्तिका बन्द गरिने भएको हो ।
नागवेलीले मंसिर २५ गते बस्ने आठौं वार्षिक साधारण सभामा शेयरधनीहरुलाई ४५.२ प्रतिशत बोनस शेयर र २.४५ प्रतिशत नगद लाभांश दिने प्रस्तावलाई पारित गर्ने भएको छ । यस लघुवित्तको शेयर आज मंसिर १२ गतेसम्म किन्ने शेयरधनीहरुले ४५.६ प्रतिशत बोनस शेयर सुरक्षित गर्न सक्नेछन् ।
लघुवित्तले प्रस्तावित बोनस शेयर वितरण पछि एक सय प्रतिशत हकप्रद जारी गर्ने जनाएको छ । लघुवित्तको हाल चुक्ता पुँजी ५ करोड २६ लाख रुपैयाँ रहेको छ । बोनस शेयर वितरण पछि चुक्ता पुँजी ७ करोड ६३ लाख पुग्ने छ । यस्तै हकप्रद शेयरको पुँजीकरण पछि नागबेलीको चुक्ता पुँजी १५ करोड रुपैयाँ पुग्ने बताइएको छ ।
