नेप्से ५.७८ अंकले घट्यो, नेपाल बैंकको ११ करोडको सेयर कारोबार
काठमाडौं, २९ पुस । साताको पहिलो कारोबार दिन आईतबार नेपाल स्टक एक्सचेन्ज (नेप्से) मा गिरावट आएको छ । नेप्से ५.७८ अंकले घटेर ११७५.०५ अंकमा बन्द भयो ।
सो दिन कुल १ सय ५८ कम्पनीहरुको ११,६३,७८१ कित्ता सेयर खरिद बिक्री हुँदा ३७ करोड २९ लाख रुपैयाँ भन्दा बढीको कारोबार भएको छ । कारोबार रकममा नेपाल बैंकले अग्रता लिएको छ । बैंकको ११ करोड रुपैयाँ भन्दा बढीको कारोबार भएको छ ।
यस्तै आइतबार सर्वाधिक कमाउनेमा वोमी माईक्रोफाईनान्स वित्तिय संस्थाका लगानीकर्ताहरु रहेका छन् । संस्थाको सेयर मुल्य ९.९५ प्रतिशतले वृद्धि भएको छ भने भार्गव विकास बैंकका लगानीकर्ताले सबै भन्दा बढी गुमाएका छन् । जसको सेयर मुल्य ५.७१४२९ प्रतिशतले घटेको छ ।
कारोबारमा आएका १० वटा समुह मध्ये २ वटा समुहको परिसुचक बढेको छ । परिसुचक बढेकामा उत्पादन तथा प्रसोधन समुह ०.६९ प्रतिशत र अन्य समुह २.८७ प्रतिशतले बढेको छ । अन्य सबै समूहको परिसूचकमा गिरावट आएको छ।
