बैंक अफ काठमान्डूको नाफा ७३ करोड ७५ लाख
काठमाडौं, २८ माघ । बैंक अफ काठमान्डू लिमिटेडले चालु आर्थिक वर्षको दोस्रो त्रैमासमा ७३ करोड ७५ लाख रुपैयाँ खुद नाफा आर्जन गरेको छ । बैंकको गत वर्षको यही अवधिको तुलनामा खुद नाफा रकम ३३.७१ प्रतिशतले बढी हो ।
बैंकको वितरण योग्य नाफा ६६ करोड ७३ लाख रुपैयाँ रहेको छ । बैंकले खुद ब्याज आम्दानीमा पनि बृद्धि गरी १ अर्ब ७६ करोड ९१ लाख रुपैयाँ पुर्याएको छ । सञ्चालन नाफा पनि १ अर्ब ४ करोड ८७ लाख ६७ हजार रुपैयाँ पुर्याएको छ ।
हालसम्म ८० अर्ब २१ करोड ८२ लाख रुपैयाँ निक्षेप संकलन गरी बैंकले ७३ अर्ब ५३ करोड ८३ लाख रुपैयाँ कर्जा लगानी गरेको छ ।
