नेपालमा ढुक्क भएर लगानी गर्न अर्थमन्त्रीको आग्रह, दातृ निकायहरु लगानीको प्रतिवद्धता दिँदै

काठमाडौं, १५ चैत । अर्थमन्त्री तथा लगानी सम्मेलन २०१९ का संयोजक डा. युवराज खतिवडाले नेपालमा लगानी मैत्री वातावरण भएको बताएका छन् । राजधानीमा संचालन भइरहेको लगानी सम्मेलन २०१९ मा सहभागीहरुलाई स्वागत गर्दै मन्त्री खतिवडाले नेपालमा राजनौतक अस्थिरता हटी मुलकमा संद्यियता निर्माण र त्यसको कार्यन्यवन भइसकेको वताउदै विदेशी लगानीकर्ताहरुलाई नेपालमा ढुक्क भएर लगानी गर्ने आग्रह गरेका हुन् ।

उनले लगानी सम्वन्धी सम्पुर्ण कानुनी जटीलताहरुको समाधान गर्न सरकारद्धारा लगानी ऐन परिमार्जन गरेको जानकारी दिदै संभावनाका परियोजनाहरुलाई लगानी सम्मेलनमा राखिएको उनले बताए । मन्त्री खतिवडाले नेपालका प्राकृतिक स्रोतहरुको सदुपयोग गर्दै औद्योगिकरण, भौतिक पुर्वाधार निर्माण क्षेत्र, रोजगारीमा वृद्धि तथा निर्यातमा वृद्धि गरि आयात प्रतिस्थापन गर्दै मुलुकलाई आर्थिक रुपले सबल र आत्मनिर्भर बनाउनका लागि लगानी आवश्यक रहेको प्रष्ट पारे ।

सरकारको समृद्ध नेपाल सुखी नेपालीको सपना साकार बनाउन तथा दोहोरो आर्थिक वृद्धिको लक्ष्य हासिल गरि मुलुकमा दिगो आर्थिक विकास ल्याउन सरकारले लगानी सम्बन्धी कानुन र कर प्रणालीलाई परिमार्जन गरेको र आवश्यक परे थप कानुनी सहजीकरणका ऐनहरु निमार्ण तथा परिमार्जन गर्न सम्मेलनमा बताइएको छ ।

लगानी सम्मेलनमा विभिन्न स्वदेशी तथा विदेशी वक्ताहरुले नेपालमा लगानीका क्षेत्र र त्यसमा लगानीका सम्भावनाहरुको बारेमा आफ्नो मन्तव्य राखिरहेका छन् । सोही क्रममा भारतका मुथुत गु्रपका अध्यक्ष एमजी जर्ज मुथुतले नेपालको हस्पिटालिटी क्षेत्रमा लगानी गर्ने चाहना रहेको र नेपालको कानुनी समस्याहरु सबै समाधान भइसकेको भन्दै उनले नेपालमा लगानी गरि त्यसको प्रतिफल दिन कुनै समस्या नभएको बताए । साथै मुथुत गु्रपले नेपालको वित्तिय क्षेत्रमा सहकार्य समेत गर्दै आएको छ । आगामी दिनमा थप लागानी गर्ने अध्यक्ष मुथुत बताए ।

सम्मेलनलाई सम्बोधन गर्दै एशियाली विकास बैंक (एडिबी) का उपाध्यक्ष शिक्षिन चेनले नेपाल मुख्यगरि कृषि, जलविद्युत र पर्यटनका क्षेत्रमा एडिबीले हाल सम्म लगानी गरिरहेको बताउदै आगामी दिनमा पनि सम्भावना हेरी लगानी बढाउदै जाने बताए । उनले नेपालमा संचालन भइरहेका मेलम्ची खानेपानी, गौतमबुद्ध एयरपोर्टमा लगानी गरिरहेको र आगामी दिनमा ठुला नया परियोजनाहरुमा एडिबीेले लगानी गर्ने प्रतिवद्धता व्यक्त गरे ।

यसैगरि सम्मेलनमा पुर्व अर्थमन्त्री डा. रामशरण महतले नेपालमा राजनैनिक र कानुनी असहजता सबै हटिसकेको हुँदा अब सबैले आर्थिक समृद्धिमा ध्यान दिनु पर्ने बताए । उनले नेपालमा अन्य मुलुकहरुको तुलनामा लगानीको धेरै सम्भावना रहेको भन्दै उद्योग, सेवा, शिक्षा, स्वास्थ्य र पुर्वाधारका क्षेत्रमा लगानी गर्न सबै लगानीकर्ताहरुलाई आग्रह गरे । उनले भारत, पाकिस्तान र वंगलादेशभन्दा नेपालमा विदेशी लगानी धेरै कम रहेको बताउदै आर्थिक वृद्धि र विकासका लागि स्वदेशका अतिरिक्त विदेशी लगानी आवश्यक हुने उनको बुझाइ छ । विदेशी लगानीले रोजागारी, उत्पादन र आर्थिक विकासमा सहयोग गर्नका साथै प्रविधि भित्र्याउने उनले बताए । नेपालको व्यापार घाटा बढीरहेको अवस्थामा यसलाई कम गर्न विदेशी लगानी चाहिने महतको भनाइ हो ।

लगानीमा सम्मेलनमा आज र भोली विभिन्न कार्यपत्रहरु पेश गरिने छ ।

Shangrila

Leave a Reply

Your email address will not be published. Required fields are marked *