सान्जेन र रसुवागढीको आइपिओ बाँडफाँड
काठमाडौं, २० बैशाख । सान्जेन र रसुवागढी हाइड्रोपावरको आइपिओ बाँडफाँट भएको छ । सान्जेनको आवेदन दिएका २ लाख ८८ हजार ८९७ जना लगानीकर्तालाई बाँडफाँट गरिएको छ । यीमध्ये १० देखि २ हजार कित्तासम्म आवेदन दिने सबै आवेदकलाई १० कित्ताको दरले सेयर दिइएको छ ।
यसरी बाँडफाँट गरेर बाँकी रहेको सेयर २० कित्तादेखि माथि आवेदन दिएकामध्ये २ लाख ९ हजार ३२८ जनालाई गोलाप्रथामार्फत थप १० कित्ता बाँडफाँट गरिएको छ ।
त्यस्तै, रसुवागढीको आइपिओमा पनि आवेदन दिएका २ लाख ९१ हजार २७२ जना आवेदकलाई बाँडफाँट गरिएको छ । यसमा १० देखि ४० कित्तासम्म आवेदन दिएकालाई माग अनुसार नै सेयर दिइएको छ । २३ हजार ६९३ जनालाई भने गोलाप्रथाबाट थप १० कित्ता सेयर दिइएको छ ।
