आईतबार नेप्सेमा ३.०७ अंकले वृद्धि, बजार झण्डै १३ सयको विन्दुमा

काठमाडौं, २९ बैशाख । साताको पहिलो दिन आईतबार (आज) सेयर कारोबारमा सुधार देखिएको छ । नेपाल स्टक एक्सचेन्ज (नेप्से) ३.०७ अंकले वृद्धि भई १२९५.०३ विन्दुमा पुगेको हो ।

१ सय ७१ कम्पनीको २६ लाख ६९ हजार ५९ सेयर खरिद विक्री हुँदा ८४ करोड ७६ लाख ९९ हजार ६६१ रुपैयाँको सेयर कारोबार भएको छ । सबै भन्दा बढी सेयर कारोबार सगरमाथा इन्स्योरेन्स कम्पनी लिमिटेडको भएको छ । जसको सेयर कारोबार १६ करोड ४५ लाख भन्दा बढीको भएको नेप्सेले जनाएको छ ।

त्यसैगरी सबैभन्दा बढी कमाउनेमा शिभम् सिमेन्ट लिमिटेडका सेयरकर्ताहरु रहेका छन् । शिभम् सिमेन्टको प्रतिसेयर मूल्य ९.९८ प्रतिशतले वृद्धि भएको छ । त्यस्तै सबैभन्दा बढी गुमाउनेमा सूर्याेदय लघुवित्त वित्तीय संस्था लिमिटेडका सेयरकर्ताहरु रहेका छन् । उक्त वित्तीय संस्थाको प्रतिसेयर मूल्यमा ७.२६१४१ प्रतिशतले गिरावट आएको छ ।

त्यस्तै नेप्सेमा सूचिकृत ११ समूहमध्ये चार वटा समूहको मात्र परिसूचकमा वृद्धि भएको छ भने अन्य सबैमा गिरावट आएको छ । नेप्सेमा सूचिकृत होटल, फाइनान्स, निर्जीवन बीमा र उत्पादन तथा प्रशोधन समूहको परिसूचकमा वृद्धि भएको हो ।

Leave a Reply

Your email address will not be published. Required fields are marked *