एभरेष्ट बैंकले फिनलेट नेपालको सहकार्यमा वित्तीय साक्षरता कक्षा सञ्चालन गर्ने
काठमाडौं, २५ असार । एभरेष्ट बैंकले वित्तीय साक्षरता सम्बन्धी कक्षा सञ्चालन गर्ने भएको छ । बैंकले धरान, सुनसरीका १० विद्यालयमा वित्तीय साक्षरता कक्षा सञ्चालन गर्न फिनलेट नेपालसँग सहकार्य गरेको हो ।
‘स्कुल बुक’ नाम दिइएको ५ महिना लामो वित्तीय साक्षरता कार्यक्रमले बालबालिका र अविभावकहरुलाई वित्तीय क्षेत्रलाई सहज रुपमा बुझ्न मद्दत पुग्ने बैंकद्वारा जारी विज्ञप्तिमा उल्लेख छ । उक्त कक्षामा मुद्रा व्यवस्थापन, बचत र खर्च, वित्तीय योजना र लगानीका सिद्धान्तहरुबारे सिकाउने बैंकले जनाएको छ ।
हाल बैंकले ९४ वटा शाखा कार्यालय, २८ राजस्व संकलन काउन्टर र १ सय १९ एटीएम मार्फत् सेवाहरु प्रदान गर्दै आएको छ ।
