धादिङको ताल्तीमा निर्माणधिन ह्वासिन सिमेन्ट उद्योगको निर्माण सामाग्री बाढीले बगायो
काठमाडौं, ३० असार । धादिङको बेनीघाट रोराङ गाउँपालिका २ ताल्तीमा निर्माणधिन ह्वासिन सिमेन्ट उद्योगमा बाढी पसेको छ । गए राति ताल्ती खोलामा आएको बाढी पस्दा उद्योग निर्माणका लागि राखिएकोे केही सामाग्रीहरु बगाएको कम्पनीले जानकारी दिएको छ।
बाढी पसेपछि उद्योग भित्र बसोबास गर्ने मजदुरहरु रातिनै सुरक्षित स्थानमा सरेका थिए । उनीहरु बसोबास गर्ने स्थानको सामान समेत बगाएको छ। मानविय क्षती नभएपनि अन्य क्षतीको आँकलन भइनसकेको जानकारी दिइएको छ ।
१५ अर्व रुपैयाँ लगानीमा चिनियाँ ह्वासिन कम्पनीले सो उद्योग निर्माण सुरु गरेको हो । नौ महिनामा निर्माण सम्पन्न गर्ने लक्ष्य सहित विगत चार मपहना देखि उद्योग निर्माणको काम भइरहेको छ ।
