काठमाडौ भ्यू टावरको निमार्ण कार्य कछुवा गतिमा, समयमा निमार्ण सम्पन्न नहुने पक्का

काठमाडौ, २ माघ । २०७५ साल असार मसान्तसम्ममा निमार्ण कार्य सम्पन्न गर्ने भनिएको काठमाडौं भ्यु टावरको निर्माण कार्य कछुवा गतिमा भइरहेको छ । यहि गतिमा निमार्ण कार्य हुने हो भने निश्चित समय भित्र सो टावरको निमार्ण सम्पन्न नहुने पक्का भएको छ ।

यस २९ तल्ले काठमाडौं भ्यू टावरको हाल जमिन मुनिको कार्य भइरहेको काठमाडौं महानगरपालीकाका कार्यकारी निर्देशक ज्ञानेन्द्र कार्कीले वताए । कार्कीका अनुसार तोकिएको समयमा नबन्ने पक्का छ । निमार्ण कार्यका लागि प्रयोग अत्याधुनिक उपकरण भारतवाट आउन ढिला भएको कारण देखाउदैे निमार्ण कार्य सुस्त गतिमा अघि बढेको बताइएको छ ।

जलेश्वर स्वच्छन्द विकोइ कम्पनीले जिम्मा लिएको भ्यू टावर ३० वर्षसम्म कम्पनी आफैले सञ्चालन गर्ने र त्यसपछि काठमाडौं महानगरपालीकालाई हस्तान्तरण गर्ने काठमाडौ महानगरपालीकाका निर्देशक ज्ञानेन्द्र कार्कीले वताए । महेश काफ्ले (काठमाडौ सुचना अधिकारी) को नेतृत्वमा अनुगमन समिति वनेको र अनुगमन तथा निरिक्षण गर्ने कार्य उहाँहरुकै नेतृत्वमा हुने कार्कीले वताए । साथै तोकिएको समयमा निमार्ण सम्पन्न नभए पनि यस कम्पनीले काठमाडौ महानगरपालिकालाई मासिक डेढ करोड ५५ लाख रुपैयाँ भाडा वुझाउने सम्झौता गरेको छ ।

यस भ्यु टावर निमार्णको लागि १२ तल्लासम्मको मात्र नक्सा पास भएको र वाँकी १७ तलाको नक्सा पासका लागि शहरी वस्ती विकास मापण्दडलाई परिमार्जन गर्ने तयारी स्वरुप स्थानिय विकास मन्त्रालयमार्फत मन्त्रिपरिषद्मा प्रस्ताव लगिएको छ । तर थप १७ तल्लाको नक्सा पास नभईसकेको कार्कीले जानकारी गरे । २३ रोपनी जग्गा रहेको उक्त क्षेत्रमा ४० प्रतिशत टावर रहने र बाँकी खाली रहने छ । इँटाको प्रयोग नगरी कंक्रिट र स्टिलको मात्र प्रयोग हुनेछ । यस निमार्णको लागि ७ देखि ८ अर्ब रुपैया लाग्ने जनाइएको छ ।

यस भ्यु टावरको अन्डरग्राउण्ड र पहिलो तल्लामा ठुला सवारी साधानहरु, त्यसभन्दा माथि दोस्रो र तेस्रो तलमा साना सवारी साधानहरुका साथै दुई पांग्रे सवारी साधानहरुको पार्किङ्ग गरिनेछ । माथि ब्यावसायिक प्रयोजनका लागि हुनेछ । २० तलामाथि स्वीमिङ पुलका साथै सिनेमा हल, रेष्टुरेन्ट, गेमिङ क्षेत्र, सपिङ सेन्टर ,फिट्नेश सेन्टर रहनेछ । सात हजार भन्दा वढीले प्रत्यक्ष रोजगारी पाउने उक्त भ्यू टावरमा सवैभन्दा माथी दृश्यावलोकनका लागि स्थान छुट्टाइएको छ ।

Leave a Reply

Your email address will not be published. Required fields are marked *