नेपाल वनस्पति घ्यू तेल उत्पादक संघद्वारा कोरोना कोषमा रू. २१ लाख सहयोग

काठमाडौं, १९ वैशाख । नेपाल वनस्पति घ्यू तेल उतपादक संघले कोरोना भाइरस संक्रमण रोकथाम तथा नियन्त्रण कोषमा रू. २१ लाख सहयोग प्रदान गरेको छ । संघले कोरोनाले उत्पन्न संकट निवारणमा सरकारलाई साथ दिन उक्त रकम सहयोग गरेको हो ।
आइतवार उद्योग वाणिज्य तथा आपूर्तिमन्त्री लेखराज भट्टलाई उद्योग सचिव चन्द्र कुमार घिमिरे र वाणिज्य तथा आपूर्ति सचिव डा. वैकुण्ठ अर्याल समेतको उपस्थितिमा शुक्रवार संघका अध्यक्ष सन्दिप कुमार अग्रवाल, नि. अध्यक्ष विकास दुगड, सदस्यहरू श्री कमल कुमार वेगानी, श्याम कुमार लोहिया र आनन्द बगरिया समेतको प्रतिनिधि मण्डलले राहतस्वरुप उक्त रकम बराबरको चेक हस्तान्तरण गरेको हो । विश्वव्यापी महामारीको रुपमा देखिएको कोराना भाइरस रोकथाम, नियन्त्रण तथा राहत वितरणमा संघले सामाजिक उत्तरदायित्वको भावनाले सहयोग गरेको बताएको छ ।