नेपालमा कोरोना संक्रमितको संख्या ३४४८ पुग्यो, निको भए ४६७ जना
काठमाडौं, २५ जेठ । नेपालमा कोरोना संक्रमितको संख्या बढ्दै गएको छ । आइतबार थप २१३ जनामा कोरोना संक्रमण पुष्टि भएसँगै संक्रमितको संख्या ३ हजार ४४८ पुगेको हो । जसमध्ये ४६७ जना निको भएर घर फर्किएका छन् भने संक्रमणबाट १३ जनाको मृत्यु भएको छ ।
संक्रमण हुनेमा ३ हजार २१२ जना पुरुष र २३६ जना महिला रहेका छन् ।
सरकारले हालसम्म आरडीटी विधिबाट १ लाख ४५ हजार ४९ परिक्षण गरेको छ भने पीसीआर विधिबाट ९६ हजार २०५ परिक्षण गरेको छ । स्वास्थ्य तथा जनसंख्या मन्त्रालयका अनुसार हालसम्म देशका विभिन्न स्थानमा १ लाख ७ ० हजार ७३२ जना क्वारेनइनमा रहेका छन् ।
