मुलुक संघीतामा गएसँगै विज्ञापन बजारमा नयाँ अवसर, बजार हिस्सा बढ्ने अनुमान

मानमती पाण्डेय

काठमाडौं, ७ फागुन । नेपाल विज्ञापन संघ (आन) का अनुसार नेपालमा वार्षिक साढे ५ अर्ब रुपैयाँ विज्ञापन हुने गरेको छ । मुलुक संघीय संरचनामा गएसँगै विज्ञापन उद्योगको बार्षिक कारोबार थप तीन अर्वले बढ्ने अनुमान आनको छ ।

सुचना र प्रविधिमा आएको नयाँ परिवर्तनसँगै विज्ञापन उद्योगले पनि नयाँ सोच र व्यवहार लागु गर्नुपर्ने आनका प्रथम उपाध्यक्ष नारायणकुमार श्रेष्ठले बताए । उनले आधुनिकरण सँगै भइरहेको चरम प्रतिस्प्रर्धामा विज्ञापन उद्योगले उपभोक्ताको चाहना अनुरुप बजार अनुसन्धान र उत्पादनको बजार अवस्था बुझी मोफोसलका विज्ञापनहरुलाई पनि एकबद्ध गरी अघि बढ्नुपर्ने आवश्यकता औल्याए । उनले मुलुक संघीय संरचनामा गएसँगै विज्ञापन बजार थप बढेर ८ अर्ब रुपैयाँ पुग्ने अनुमान समेत गरे ।

यसैगरी उपाध्यक्ष श्रेष्ठले विज्ञापन व्यवसायी नबढे प्रोडक्ट बजारीकरण नहुने भन्दै विज्ञापन व्यवसायमा मिडिया, विज्ञापन व्यवसाय र विज्ञापनदाता तीनै पक्ष विच बलियो सहकार्य र समन्वय हुनुपर्नेमा जोड दिए । त्यस्तै एजेन्सी, एजेन्सी विच अस्वस्थ प्रतिस्प्रधा भइरहेका बेला विभिन्न सँस्थाहरुसंग अन्र्तक्रिया, गोष्ठि लगायतका कार्यक्रम गरी व्यवसायप्रतिको परनिर्भरता हटाउन आवश्य रहेको उनले बताए ।

आनलाई पनि संघीय संरचना अनुसार विकास गर्न संघको विधान संशोधन गर्ने तयारी भइरहेको छ । साथै सातै प्रदेशमा कमिटी गठन गरी छाता संगठनलाई विस्तार गर्ने योजना बनाएको जानकारी दिए। हाल ३८० विज्ञापन एजेन्सी आन सँग आवद्ध छन् । नेपाल सरकारले क्लिनफिड नीति अपनाए विज्ञापन व्यवसाय अझ फस्टाउन जाने देखिन्छ ।

Leave a Reply

Your email address will not be published. Required fields are marked *