चन्द्रागिरि हिल्सले ल्यायो फेस्टिभ अफर

काठमाडौं, ८ असोज । चन्द्रागिरि हिल्स लिमिटेडले दशैं, तिहारको अवसर पारेर विशेष अफर सार्वजनिक गरेको छ । चन्द्रागिरि हिल्स लिमिटेडद्वारा प्रवद्र्धित चन्द्रागिरि केबलकारमा ५० प्रतिशत छुट र चन्द्रागिरि हिल्स रिसोर्टमा रू. ६ हजार ५०० मा एक जोडीका लागि ब्रेकफास्ट र डिलक्स रूम सहितको प्याकेज सार्वजनिक गरेको छ । यो अफर बुधवार (असोज ७ गते)देखि लागू भई १५ मङ्सिर २०७७ तदनुसार ३० नोभेम्बर २०२० सम्मका लागि मान्य हुने कम्पनीले जानकारी दिएको छ ।
ऐतिहासिक, सांस्कृतिक तथा प्राकृतिक महत्व बोकेको चन्द्रागिरि डाँडामा कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल र रिसोर्ट लगायतका पूर्वाधार निर्माण गरेर चन्द्रागिरि डाँडालाई एकीकृत पर्यटकीय गन्तव्यको रूपमा विकास गरिरहेको छ ।