Shangrila

अहिलेसम्मकै उच्च विन्दु २०२८ टेकेको बजार १९९७ मा झरेर बन्द

काठमाडौं, १५ मंसिर । सोमबार नेप्से परिसूचक २८.७९ अंकले बढेर १९९७ विन्दुमा पुगेको छ । कारोबार सुरु भएदेखि नै उकालो लाग्न थालेको परिसूचक अहिलेसम्मकै उच्च २०२८ विन्दुसम्म पुगेको थियो । त्यसपछि बजारमा आएको उतारचढावकाबीच परिसूचक घटेर १९९७. ०५ मा झरेको हो ।

यो अवधीमा १ सय ९८ कम्पनीको ८ अर्ब ८६ करोड रुपैयाँ बराबरको शेयर कारोबार भएको छ। १२ समूह मध्ये वाणिज्य बैंक, विकास बैंक, फाइनान्स र म्यूचुअल फन्ड समूहमा गिरावट आएको छ भने बाँकी अरु समूहको परिसूचक बृद्धि भएको छ ।

पछिल्ला दिनहरुमा कारोबार रकममा निकै बृद्धि भएको छ । कारोबारमा उत्साह आउँदा सूचकले पनि रफ्तार समाएको हो ।

सोमबार सबैभन्दा धेरै शेयर कारोबार नेपाल लाईफ इन्स्योरेन्सको भएको छ । ३८ करोड ४८ लाख रुपैयाँ बराबराको शेयर कारोबार भएको छ । पुनर्बीमा कम्पनीको पनि ३७ करोड ३४ लाख रुपैयाँको कारोबार भएको छ।

त्यस्तै सबैभन्दा धेरै कमाउने भने कम्पनीहरुको अग्रसूचिमा युनाईटेड मोदी र माथिल्लो तामाकोशी जलविद्युत आयोजना रहेको छ । युनाइटेडको १६ अंक र माथिल्लो तामाकोशीको २९ अंकले शेयर मूल्य बढेको छ। गुमाउनेहरुमा विशाल बजार कम्पनी र बोटर्ल नेपाल (तराई) लिमिटेड रहेको छ । विशाल बजारको ३ सय ६० र ५ सय ३४ अंकले मूल्य घटेको छ ।

 

Laxmi Bank

 

Leave a Reply

Your email address will not be published. Required fields are marked *