नबिल बैंकले कोरोना प्रभावित लघु, साना तथा मझौला उद्यमीहरूलाई विना धितो कर्जा लगानी गर्ने
काठमाडौं, १९ मंसिर । नबिल बैंक र वान टु वाचले संयुक्तरुपमा लघु, साना तथा मझौला उद्यमीहरूलाई सहयोग गर्ने भएका छन् । बैंक र वान टु वाच “कोभिड १९ एमएसएमई कोष नेपाल” अन्तर्गत लघु, साना तथा मझौला उद्यमहरुलाई ब्याजमुक्त र धितो रहित कर्जा प्रदान गर्ने सम्झौता गरेका हुन ।
यस रणनीतिक साझेदारीमा लघु, साना तथा मझौला उद्यमहरूलाई कोविड १९ बाट प्रभावित तर व्यवसायलाई निरन्तरता दिने क्षमता भएका व्यवसायलाई धितो रहित र ब्याजमुक्त छोटो अवधिको कर्जाले व्यवसायलाई निरन्तरता दिन मद्दत पुग्ने विश्वास लिइएको छ । यी व्यवसायहरु मध्येका छनोटमा परेका व्यवसायीहरुले आफ्नो व्यावसाय अनुकूल परामर्श पनि प्राप्त गर्ने छन् । पूर्व निर्धारित मापदण्डको आधारमा व्यवसाय सुचारु गर्ने सम्भाव्यताको मूल्यांकन गरिएको लागि बैंकबाट धितो रहित कर्जा प्राप्त गर्ने र ब्याज रकम अधिकतम १८ महिनासम्म कोषले भुक्तान गर्ने जनाइएको छ।
कार्यक्रममा नबिल बैंकका सीईओ अनिल केशरी शाहले बैंक नेपालको एमएसएमई क्षेत्रलाई सहयोग गर्न, उनीहरूको व्यवसायलाई बढाउन र दीर्घकालीन स्थायित्व र समग्र आर्थिक बृद्धिका लागि मद्दत गर्न सदैब तयार रहेको बताए ।
