५० प्रतिशत लाभांश प्रस्तावसहित नेप्सेको वार्षिक साधारणसभा पुस २९ मा
काठमाडौं, ८ पुस । नेपाल स्टक एक्सचेञ्ज (नेप्से) ले पुस २९ गते ३९ औं वार्षिक साधारण सभा बोलाएको छ । नेप्सेको कार्यालय यूएनआई शान्तिमार्ग, काठमाडौंमा विहान ११ बजे सभा आयोजना गरिएको हो । सभाले गत आर्थिक वर्ष ०७६/७७ को वार्षिक प्रतिवेदन पारित गर्दै २० प्रतिशत बोनस शेयर र ३० प्रतिशत नगद लाभांशको प्रस्ताव पारित गर्नेछ ।
नेप्सेको ५० करोड रुपैयाँ चुक्तापूँजी रहेको छ । सभाले नेप्सको अधिकृत पूँजी, जारी पूँजी र चुक्तापूँजी बृद्धि गर्ने प्रस्ताव समेत पारित गर्नेछ ।
साधारण सभा प्रयोजनका लागि पुस १८ गते एक दिन बुक क्लोज गर्ने नेप्सेजे जानकारी दिएको छ ।
