India VS Pakistan
काठमाडौं, ९ माघ । एनआईसी एशिया क्यापिटल लिमिटेडले तुरुन्त डिम्याट खाता नम्बर उपलब्ध गराउने उद्देश्यले ‘एन आईसी एशिया अनलाइन डिम्याट’ सेवा संचालन गरेको छ । एनआईसी एशिया क्यापिटलले विभिन्न कार्यक्रम संचालन गरी ‘एक नेपाली, एक डिम्याट’ अभियान संचालन गरिरहेको छ ।
‘एनआईसी एशिया अनलाइन डिम्याट’ सेवा सञ्चालन गरी माघ मसान्तसम्म अनलाइन मार्फत डिम्याट खाता खोल्ने सर्वसाधारणलाई डिम्याट खाता निःशुल्क उपलब्ध गराइने क्यापिटलले बताएको छ । हाललाई यो सेवा काठमाण्डौ उपत्यकाभित्र मात्र उपलब्ध हुनेछ । निकट भविष्यमा काठमाण्डौ उपत्यका बाहिरबाट समेत अनलाइन मार्फत डिम्याट खाता खोल्न मिल्ने व्यवस्था मिलाइने जानकारी दिइएको छ ।
अनलाइन मार्फत डिम्याट खाता खोल्न एनआईसी एशिया क्यापिटलको वेबसाइट www.nicasiacapital.com वा सोझै onlinedemat.nicasiacapital.com मा क्लिक गरी रितपुर्वक विवरण भरी उक्त विवरण सबमिट भएको १ घण्टा भित्र डिम्याट खाता नम्बर उपलब्ध गराइने जानकारी दिइएको छ । उक्त सुविधा आइतबार देखि बिहीबार सम्म दिनको ४ बजे र शुक्रबार दिनको १ बजेसम्म उपलब्ध हुनेछ ।
