नेपालसहित सात मुलुकलाई फिलिपिन्सले यात्रामा प्रतिबन्ध बढायो
काठमाडौं, १९ जेठ । फिलिपिन्स सरकारले नेपालसहितका सात मुलुकहरुबाट हुने यात्रामाथिको प्रतिबन्धलाई जुन १५ सम्म बढाएको छ। नेपालसहित भारत, पाकिस्तान, बंगलादेश, श्रीलंका, ओमान, युएई लगायतका देशबाट यात्रा गर्नेमाथि फिलिपिन्स सरकारले मे ५ देखि यात्रामा प्रतिबन्ध लगाएको थियो।
यी देशहरुमा कोरोना संक्रमण उच्च रहेका फिलिपिन्सको निश्कर्ष छ । कोरोनाको इन्डियन भेरियन्ट (डेल्टा) को संक्रमण रोकथामका लागि भन्दै लगाइएको प्रतिबन्धलाई राष्ट्रपति रोड्रोगो डुटेर्टेले अनुमोदन गरेका हुन्।
