नविल बैंकद्वारा ‘दिगो बैंकिङ’को सुरुवात, बिन धितो २५ लाख पाईंने
काठमाडौं, १५ असार । नविल बैंक लिमिटेडले ‘दिगो बैंकिङ’ योजनाको सुरुवात गरेको छ । बैंकले शिक्षा तथा व्यवसायिक तालिम परिषद् (सिटिईभिटी)को सहकार्यमा उक्त योजनाको थालनी गरेको हो । योजनाको शुुभराम्भ बैंकका अध्यक्ष उपेन्द्र पौडेलले गरेका हुन् । योजना सञ्चालनका लागि नविल बैंकका प्रमुख कार्यकारी अधिकृत अनिल केशरी शाह र सिटिईभिटीका सदस्य सचिव जीव नारायन काफ्ले हस्ताक्षर गरेका हुन् ।
बैंकले किसान कर्जा र नविल उद्यमशीलता कर्जा योजना ल्याएको हो । सिटिईभिटीबाट सिप सिकेकाहरुलाई आफ्नो व्यवसाय सञ्चालनका लागि सहयोग गर्नन यो योजना ल्याइएको बैकले जनाएको छ । यस योजना अन्तर्गत फर्म दर्ता गरेर व्यवसाय गर्नेलाई २५ लाख रुपैयाँसम्म ऋण उपलब्ध गराईंने बताइएको छ ।
नविल उद्यमशील कर्जाअन्तर्गत १ लाखदेखि १ करोडसम्म ऋण उपलब्ध गराईंने बैंकले जनाएको छ । १ वर्षदेखि ८ वर्षसम्मका लागि उक्त ऋण उपलब्ध गराईने छ ।
बैंकका अध्यक्ष पौडेलले उक्त योजनाको शुुभराम्भ गर्र्दै यो योजनाले देशको वास्तविक अर्थतन्त्रमा सहयो पुुग्ने बताए । उनले यस योजनाअन्तर्ग बैंकले गाउँ गाउँमा गएर लगानी गर्ने बताए ।
सीटीइभिटीलाई साथमा लिएर अगाडि बढ्ने र वास्तविक अर्थतन्त्रमा सहयोग पुग्ने गरी काम गर्नका लागि दिगो बैंकिङको परिकल्पना गरिएको बताए ।
पहिलो पटक १७ वटा शाखाबाट सेवा सुचारु गरिने बैंकका प्रमुख कार्यकारी अधिकृत शाहले बताए । दिगो बैंकिङले साना उद्यमी मजवुत हुने उनको भनाई छ । आगामी दिनमा यस योजनालाई व्यापक बनाउँदै ल्यौजाने शाहले बताए ।
हाल नविल बैंकले ११९ वटा शाखाबाट सेवा दिँदै आएको छ ।
