India VS Pakistan
काठमाडौं, १७ असार । साताको अन्तिम कारोबार दिन बिहीबार (आज) नेप्से परिसूचकसँगै कारोबार रकम पनि वृद्धि भएको छ । लगातार घटेको बजार आज भने १९.१२ अंकले वृद्धि भएर २८४३ विन्दुमा रोकिएको छ ।
आज कारोबार रकम पनि वृद्धि भएको छ । हिजो ५ अर्ब रुपैयाँको कारोबार भएकोमा आज ६ अर्ब ७० करोड ७७ लाख रपैयाँभन्दा बढीको शेयर कारोबार भएको छ ।
२२४ कम्पनीको ३ करोड २८ लाख ३८ हजारभन्दा बढी कित्ता शेयर खरिद विक्री भएको छ ।
सर्वाधिक कमाउँनेमा होटल तथा पर्यटन, विकास बैंक र फाइनान्स समूहका रहेको छन् । आज सर्वाधिक शेयर मूल्य वृद्धि हुनेमा ओरन्टियल होटल, गुडवल फाइनान्स, गीन डेभलपमेन्ट बैंक र सिन्धु विकास बैंक रहेका छन् । यी कम्पनीको शेयर मूल्य ९ प्रतिशतभन्दा बढीले वृद्धि भएको छ ।
सर्वाधिक मूल्यको शेयर खरिद विक्री नेको इन्स्योरेन्स कम्पनी लिमिटेडको भएको छ । यो कम्पनीको ३० करोड ७२ लाख रुपैयाँभन्दा बढीको शेयर खरिद विक्री भएको हो । यो कम्पनीको शेयर मूल्य १ हजार ६५० रुपैयाँ कायम भएको छ ।
आज कारोबारमा आएका १३ समूहमध्ये निर्जीवन बीमा समूहको परिसूचक ०.०४ प्रतिशतले घटेको छ भने बाँकी सबै समूहको परिसूचक वृद्धि भएको छ ।
