एनआईसी एशिया बैंकको मोबाइल बैंकिङ एपमार्फत आईपीओमा आवेदन दिन सकिने
काठमाडौं, ११ साउन । एनआईसी एशिया बैंकले मोबाइल बैंकिङ एपमार्फत विभिन्न कम्पनीको आईपीओमा आवेदन दिन सकिने सेवाको शुभारम्भ गरेको छ । यस बैंकमार्फत डिम्याट खाता खोलेका एवं यस बैंकमा बचत खाता तथा बैंकको मोबाइल बैंकिङ सेवा लिएका ग्राहकले आईपीओ तथा डिबेञ्चरहरूमा जुनसुकै स्थानबाट, जुनसुकै समयमा आवेदन दिन सक्ने बैंकले बताएको छ ।
बैंकको NIC ASIA MoBank प्रयोगकर्ताले एपभित्र रहेको Apply Share आइकनमा ट्याप गरेर आवेदन दिन सक्नेछन् ।
बैंकको मुलुकभर ३५६ शाखा कार्यालयहरू, ४७१ एटिएम, ७० वटा विस्तारित काउण्टर एवं ८१ वटा शाखा रहित बैंकिङमार्फत बैंकिङ सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन पुगेको छ ।
