कागजातबिना जहाज पुगेको घटनामा सुरक्षा कमाण्डर निलम्बित, थप अनुसन्धान जारी
काठमाडौं, १३ फागुन । त्रिभुवन अन्तर्राष्ट्रिय विमानस्थलमा टिकट र पासपोर्टबिना जहाजभित्र प्रवेश गरेपछि सुरक्षाका कमाण्डर निलम्बित भएका छन्। नेपाल वायु सेवा निगमले विमानस्थलका कमाण्डर ध्रुवराज थापालाई निलम्बित गरेको हो।
सोमबार राति काठमाडौंबाट दोहा जाने तयारीमा रहेको निगमको जहाज ९एन-एएलवाई, एयरबस ३३० जहाजभित्र अनधिकृत व्यक्ति फेला परेका थिए। राति १०:४५ मा निगमको जहाजमा रौतहटका १८ वर्षीय हस्पम आलम फेला परेका थिए। उनीसँग पासपोर्ट र टिकट केही थिएन। उनी जहाजको बिजनेश क्लास सिटमा भेटिएका थिए ।
उनलाई नियन्त्रणमा लिएर थप अनुसन्धान भइरहेको जनाइएको छ ।उनी दोस्रोपटक यसरी विमानस्थम प्रवेश गरेका हुन । यसअघि उनी धावनमार्गसम्म पुगेको विमानस्थल कार्यालयले जनाएको छ ।
