दुई महिनामा ३७ हजार सात सय ४१ पर्यटक नेपाल आए
काठमाडौं, २० फागुन । सन् २०२२ को दोस्रो महिना (फेब्रुअरी)मा करिब २० हजार पर्यटक नेपाल भ्रमणमा आएका छन् ।
नेपाल पर्यटन बोर्डका अनुसार फेब्रुअरीमा १९ हजार सात सय ६६ जना पर्यटक नेपाल भ्रमणमा आएका छन् । गत वर्षको यही महिनामा ९ हजार एक सय ४६ जना पर्यटक नेपाल आएका थिए ।
सन् २०२२ को पहिलो महिनामा जनवरीमा १७ हजार पर्यटक नेपाल भ्रमणमा आएका थिए । यो दुई महिनामा कुल ३७ हजार सात सय ४१ जना पर्यटक नेपाल आएका छन् ।
