कृषि विकास बैंकको उपमहाप्रबन्धकमा सुवेदीको बढुवा
काठमाडौं, २० फागुन । कृषि विकास बैंकको उपमहाप्रबन्धकमा प्रताप सुवेदीको बढुवा भएको छ । बैंक संचालक समितिले प्रमुख कर्जा अधिकृत सुवेदीलाई उपमहाप्रबन्धकमा बढुवा गरेको हो ।
सुवेदी २१ बर्षदेखि कृषि विकास बैंकमा कार्यरत छन्। उनी पछिल्लो साढे तीन वर्षदेखि कायममुकायमको जिम्मेवारीमा थिए ।
कृषि विकास बैंकमा प्रबेश गर्नुअघि उनले नेपाल बैंक र कर्मचारी संचय कोषमा समेत काम गरेका छन् ।
कृषि विकास बैंक सरकारी स्वामित्वको बैंक भएपनि सर्वसाधारण शेयरधनीको पनि लगानी रहेको छ ।
