साहित्यक क्षेत्रका व्यक्तिलाई सम्मान सहित,नयाँ पुस्तक बजारमा
काठमाडौं, २७ वैशाख । श्री लूनकरणदास गंगादेवी चौधरी साहित्यकला मन्दिरले नेपलाी कला साहित्यका ३ जनालाई सम्मान गरेको छ ।
काठमाडौमा मंगलबार आयोजित कार्यक्रममा मन्दिरले इतिहास प्राध्यापक डा. त्रिरत्न मानन्धर, तेजेश्वरबाबु ग्वङ्ग र न्हुछेबहादुर डङ्गोललाई सम्मान गरेको हो ।
श्री लूनकरणदास गंगादेवी चौधरी साहित्यकला मन्दिरले डङ्गोललाई नारायणगोपाल सङ्गीतसम्मानद्धारा सम्मानित गरेको हो । यस्तै सरस्वतीसम्मानद्धारा ग्वङ्ग र इतिहासशिरोमणि बाबुराम आचार्य शोधसम्मानद्धारा डा. मानन्धर सम्मानित भएका हुन् ।
यसैबिच कार्यक्रममा वसन्त चौधरी फाउन्डेसनद्धारा प्रकाशित ‘मैले बुझेको दुनियाँ’ नामक पुस्तक बिमोचन भएको थियो । चिकित्सक डा. अस्मिता अर्यालद्धारा लिखित पुस्तकमा विभिन्न शिर्षकका २१ वटा निबन्ध संग्रहित छ । उनको यसअघि ‘मनको तीरैतीर (कविता सङ्ग्रह, २०७५)’ प्रकाशित भएको थियो ।
