१ खर्ब १६ अर्बभन्दा बढी पुनर्कर्जा लगानीमा
काठमाडौं, २ जेठ । चालू आर्थिक वर्षको पहिलो ९ महिनामा १ खर्ब १६ अर्बभन्दा बढी पुनर्कर्जा लगानीमा रहेको छ । नेपाल राष्ट्र बैंककका अनुार सहुलियत दरमा प्रदान गरिँदै आएको पुनरकर्जा चैत मसान्तसम्ममा कुल १ खर्ब १६ अर्ब ९० करोड लगानीमा रहेको छ ।
सो अवधिमा १ लाख ४५ हजार ६९३ ऋणीलाई सहुलियतपूर्ण कर्जा प्रवाह भई २ खर्ब १६ अर्ब ६ करोड कर्जा बक्यौता रहेको छ । यसमध्ये कृषि तथा पशुपंक्षी व्यवसाय कर्जा अन्तर्गत ५९ हजार ९३१ ऋणीलाई प्रवाह भएको १३८ अर्ब ८४ करोड कर्जा रहेको छ भने महिला उद्यमशील कर्जा अन्तर्गत ८२ हजार ९२६ महिला उद्यमीलाई प्रवाह भएको ७३ अर्ब ५२ करोड कर्जा रहेको छ । सहुलियतपूर्ण कर्जाका अन्य शीर्षक अन्तर्गत २ हजार ८३६ ऋणीको रु।३ अर्ब ६९ करोड कर्जा बक्यौता रहेको छ ।
‘व्यावसायिक निरन्तरता कर्जा प्रवाह कार्यविधि, २०७७’ बमोजिम कोभिड–१९ प्रभावित पर्यटन र घरेलु, साना तथा मझौला उद्यम क्षेत्रको व्यवसाय निरन्तरतामा सहयोग पु¥याउन ती क्षेत्रका श्रमिक तथा कर्मचारीको पारिश्रमिक भुक्तानीका लागि व्यवस्था गरिएको कर्जा २०७८ चैत मसान्तसम्ममा १ अर्ब १३ करोड स्वीकृत भएको छ ।
